“Онам ажрашса бўлмасмикан, деб кўп ўйлардим” – олиманинг онаси ҳақидаги ўйлари

Ҳаёт доим ҳам бир текисда ўтмайди. Гоҳи шодлик, гоҳи қийинчиликни бошдан кечирамиз. Бахт келганда ҳам, ғам келганда ҳам ўзини йўқотиб қўймай, қўлга ола биладиганлар камчиликни ташкил этади.“Ҳаётий ҳикоялар”нинг бу галги суҳбатдоши фан доктори даражасини олган аёл. У аввалига биз билан суҳбатлашишни рад этиб юрди. Шахси сир қолишини айтсам-да, болалигини эслашни, ҳаёт йўлини достон қилишни хоҳламаслигини билдирди. Бироқ она ва болалар ўлими ҳақидаги сўнгги хабарлардан кейин олиманинг ўзи алоқага чиқиб, ҳаётини сўзлаб бермоқчи эканини маълум қилди.