Словакия Украинадан ғалла импортини тўхтатяпти

Аввалроқ худди шундай қадамлар Полша ва Венгрия расмийлари томонидан ҳам қилинган эди.

Европа Иттифоқига аъзо давлатларнинг савдо соҳасидаги бир томонлама ҳаракатлари қабул қилиниши мумкин эмас. Бу ҳақда 16 апрель куни Еврокомиссия вакили маълум қилди. Унинг баёноти Полша ва Венгрия маҳаллий қишлоқ хўжалиги тармоқларини ҳимоя қилиш учун Украинадан ғалла ва бошқа озиқ-овқат импортини тақиқлашини эълон қилганидан кейин эълон қилинди.

Полша ҳукумати Украина ғалласи ва бошқа қишлоқ хўжалиги маҳсулотларини импорт қилишни тақиқлади, деди ҳукмрон «Қонун ва адолат» партияси раҳбари Ярослав Качинский 15 апрель куни.

Унинг сўзларига кўра, бу ҳаракат Украинадан арзонроқ маҳсулотлар кириб келиши сабабли инқироз таҳдиди остида қолган Полша қишлоқ хўжалиги секторини ҳимоя қилиш учун зарур. 

«Биз Украинанинг доимий дўсти ва иттифоқчиси бўлганмиз ва шундай бўлиб қоламиз. Биз уни қўллаб-қувватладик ва қўллаб-қувватлашда давом этамиз. Лекин ҳар бир давлат, ҳар бир ҳукуматнинг бурчи ўз фуқаролари манфаатларини ҳимоя қилишдир», - деди Качинский ва Варшава масалани ҳал қилиш учун Киев билан музокаралар олиб бораётганини билдирди. 

Импорти ман этиладиган маҳсулотларнинг тўлиқ рўйхати 18 номдаги қишлоқ хўжалиги маҳсулотлари, жумладан сут, тухум, сабзавот, гўшт, асал ва бошқа товарлардан иборат.