Ўзбекистон аҳолиси 2050 йилга бориб Евросиёдаги 50 мамлакат ичида 6-ўринга чиқиши мумкин

2050 йилга бориб Ўзбекистон ўзининг 60 миллионга яқинлашган аҳолиси билан Полша, Украина, Испания ва Италияни ортда қолдиради. Бу ҳақда Бостондаги ESG Wealth компанияси раҳбари Алишер Жуманов маълум қилди.

Фото: Uzbekistan’s club матбуот хизмати

Колумбия ва Оксфорд университетларида ўқиган, 25 йилдан узоқроқ вақтдан бери дунё бўйлаб инвестицион банкинг соҳасида фаолият юритаётган Алишер Жуманов 23 апрель куни Парижда бўлиб ўтган “O‘zbekistonlik. GENERATING IDEAS” халқаро форумида нутқ сўзлади.

“Инсон капитали бўйича тадқиқотлар ўтказадиган ақл марказимиз ҳисоб-китобларига кўра, 2023 йилда Европа ва МДҲ мамлакатлари ичида Ўзбекистон бир йилда туғиладиган чақалоқлар сони бўйича 1-ўринни эгалламоқда. 1950 йилда Ўзбекистон аҳолиси 6 миллиондан ошиқроқни ташкил этиб, Евросиёдаги 50 мамлакат ичида 20-ўринда бўлган. 2050 йилга бориб нуфусимиз 60 миллионга етса, бу нафақат рўйхатда топ ўнталикка киришимиз, балки аҳолимиз 100 йиллик давр ичида 10 баробар ўсишини билдиради”, дейди Жуманов.

Ушбу фикрлар “O‘zbekistonlik. GENERATING IDEAS” форуми доирасида бўлиб ўтган "Туз ичидаги аёл" art кўргазмаси ҳамда Pepsi Food Show каби маълумотлар алмашиш учун қулай майдонларда бўлгани эътиборга моликдир.