Зеленскийнинг уруш бошидан буён Си билан илк мулоқоти. Бу нима учун муҳим?

Украина президенти Володимир Зеленский Хитой раҳбари Си Жинпинг билан «узоқ ва мазмунли» телефон мулоқоти ўтказилганини маълум қилди. Бу томонларнинг Россиянинг Украинага босқини бошланганидан буён илк бор алоқа қилиши бўлди, бу мулоқот ХХР раисининг март ойида Москвага амалга оширган ташрифидан буён кутилаётганди. Хитойнинг ўз тинчлик ташаббуси бор, Киев унга вазминлик билан ёндашади, Ғарб эса - шубҳа билан қарайди.