Тошкент пропискаси ҳақидаги қонун бекор қилинади
Бу қонун бекор қилингач, Тошкент пропискасига ўтиш учун уй сотиб олиш керак деган талаб ўз кучини йўқотади – доимий рўйхатга олиш бўйича бошқа ҳудудларда қандай тартиб бўлса, Тошкентда ҳам шундай тартиб амал қила бошлайди. Шунингдек, фуқароларни яшаш жойи бўйича рўйхатга олишда хабардор қилиш тартиби жорий этилади.

Фото: Kun.uz
Президент Шавкат Мирзиёев “Янги таҳрирдаги Ўзбекистон Республикаси Конституциясини амалга ошириш бўйича биринчи навбатдаги чора-тадбирлар тўғрисида” фармон имзолади.
Фармон билан, “Тошкент шаҳри ва Тошкент вилоятида доимий яшаш жойи бўйича рўйхатга олиниши лозим бўлган шахслар – Ўзбекистон Республикаси фуқаролари тоифаларининг рўйхати тўғрисида”ги қонун бекор қилинадиган бўлди.
Бу қонунга кўра, Тошкент шаҳри ва Тошкент вилоятида фақат 12 тоифадаги шахслар доимий прописага қўйилиши белгиланган.
Вазирлар Маҳкамаси 2 ой муддатда бу қонунни ўз кучини йўқотган деб топиш бўйича қонун лойиҳасини Қонунчилик палатасига киритиши керак.
Бундан ташқари, фуқароларни яшаш жойи бўйича рўйхатга олишда хабардор қилиш тартиби жорий этилади. Ички ишлар вазирлигига бир ой муддатда бу борада янги механизмларни назарда тутувчи президенти фармони лойиҳасини тақдим этиш юклатилди.
Булардан мақсад – янги таҳрирдаги конституциянинг 32-моддасида белгиланган мамлакат бўйлаб эркин ҳаракатланиш, турар ва яшаш жойини танлаш ҳуқуқи тўлиқ рўёбга чиқарилишини таъминлашдир.
Тавсия этамиз
“Сиртқи таълим ёпилса, ҳеч нарса йўқотмаймиз” – мутахассислар билан суҳбат
Ўзбекистон | 15:26 / 19.05.2025
Трампни сийлаган араблар, музлатилган савдо уруши ва амалга ошмаган “дуэл” — Геосиёсий ҳафта таҳлили
Жаҳон | 16:04 / 17.05.2025
Таҳдид ва тарих ҳақида ваъз: Истанбул музокараларида нималар дейишди?
Жаҳон | 13:33 / 17.05.2025
Ҳайдовчилар учун қатор енгилликлар эълон қилинди
Ўзбекистон | 18:04 / 16.05.2025
Мавзуга оид

17:03
Метронинг 9 та бекатида она-бола хонаси ва ҳожатхона қурилиши ваъда қилинганди. Бу амалга ошяптими?

20:24 / 19.05.2025
Тошкентда руҳий касал эркак ички ишлар ходимини пичоқлади

16:05 / 19.05.2025
Президент Тошкент метросини ТТЗгача олиб бориш режалари билан танишди

23:55 / 17.05.2025