724 км — Chevrolet Silverado  электропикапи кутилганидан кўпроқ масофа босиб ўта олиши маълум бўлди

Chevrolet ўзининг Silverado электропикапи тўла қувват билан кутилганидан кўпроқ масофа босиб ўтишини тасдиқлади. Атроф-муҳитни муҳофаза қилиш агентлиги (EPA) маълумотларига кўра, пикапнинг Wоrk Truck комплектацияси тўла қувват билан 724 км масофани босиб ўта олади.

Аввалроқ Chevrolet Silverado Work Truck’нинг 643 км масофа босиб ўтиши мумкинлиги айтилганди. Компания вакили бунинг шахсий ҳисоб-китоб, кутилмалардан келиб чиқиб айтилганини, реал натижалар эса амалда яхшироқ бўлиб чиққани билан тушунтирган.

Silverado WТ 2023 йил ёзидан сотувга чиқади. Тўртала ғилдирак ҳам тортиш кучига эга, двигатель эса 510 от кучини беради. Тезкор қувватлаш имконияти мавжуд. 10 дақиқада 160 км масофага етадиган қувватга эга бўлиш мумкин.

Моделнинг нархи борасида ҳозирча расмий маълумот тақдим этилгани йўқ.