АҚШ Молия вазирлиги дефолт санасини ўзгартирди — Reuters

Илгари, дефолт 1 июнгача юзага келиши мумкинлиги айтилган эди, аммо энди охирги муддат - 5 июнь.

Жанет Йеллен Фото: REUTERS/Elizabeth Frantz

АҚШ Молия вазирлиги давлат қарзи лимитини ошириш учун 5 июнгача муддат белгилади. Бу ҳақда Reuters ёзди.

Департамент раҳбари Жанет Йеллен сўзларига кўра, агар Конгресс давлат қарзи чегарасини 31,4 триллион долларга кўтармаса, ҳукумат дефолтга учрайди.

Йелленнинг таъкидлашича, авваллари дефолт 1 июнь куни содир бўлиши мумкинлиги кутилган эди, аммо энди охирги муддат - 5 июнь. Агар Конгресс 5 июнгача қарз лимитини кўтармаса ёки тўхтатмаса, Молия вазирлиги ҳукумат мажбуриятларини бажариш учун етарли ресурсларга эга бўлмайди.

2023 йил 26 май ҳолатига кўра, халқаро экспертлар АҚШ молиявий захиралари 9 июнь куни тугашини башорат қилишган. Шунга қарамай, мутахассисларнинг 80 фоизи дефолт бўлмаслигига ишончи комил.