Ўзбекистонга Кувайт сармоялари ва технологияларини жалб этиш режалаштириляпти

Ўзбекистон ташқи ишлар вазири ўринбосари Баҳром Аълоев Kuwait Investment Cо. компанияси президенти Юсуф Мухаммад аль-Алини қабул қилди.

Фото: ТИВ

ТИВ маълумотига кўра, учрашувда, жумладан, Кувайт сармоялари ва технологияларини Ўзбекистонга жалб этиш орқали иқтисодий дипломатияни фаол илгари суриш масалалари муҳокама қилинди.

Мамлакатда саноат, қурилиш, энергетика, қишлоқ хўжалиги ва бошқа соҳаларда инвестиция лойиҳаларини амалга ошириш истиқболлари кўриб чиқилди.

Ўзбекистон ва Kuwait Investment Cо. компанияси ўртасида ҳамкорликни кенгайтириш бўйича қўшма чора-тадбирлар режасини ишлаб чиқиш бўйича келишувга эришилди.