ТИВда “ЕИ – Марказий Осиё” форматидаги тадбирларга тайёргарлик муҳокама қилинди

Ташқи ишлар вазирлигида Европа мамлакатлари ва Европа Иттифоқи институтлари билан ҳамкорлик бошқармаси бошлиғи Ойбек Шахавдинов ва Европа Иттифоқи делегацияси раҳбари Шарлотта Адриан ўртасида учрашув бўлиб ўтди, деб хабар бермоқда “Дунё”.

Фото: Дунё АА

Учрашувда Ўзбекистон ва Европа Иттифоқи ўртасидаги ҳамкорликнинг бугунги ҳолати ва уни ривожлантириш истиқболлари, шунингдек, икки томонлама ва минтақалараро шаклда бўлажак тадбирлар муҳокама қилинди.

Бўлажак “Марказий Осиё – Европа Иттифоқи” саммити кун тартиби билан боғлиқ масалалар юзасидан фикр алмашилди.

Учрашув якунида Ўзбекистон ва Европа Иттифоқи ўртасидаги сиёсий, савдо-иқтисодий ва маданий-ҳуманитар соҳалардаги муносабатларни янада ривожлантиришга қаратилган қўшма тадбирларни ташкил этиш амалиётини давом эттиришга келишиб олинди.