«Вагнер» ва чеченлар: можаро жиддийлашди. Қодиров Пригожин билан «эркакчасига гаплашиб олди»

Яқингача бир-бирини оға-ини деб атаб келган, фронтдаги энг қалин иттифоқчидек кўринган Чеченистон етакчиси Рамзан Қодиров ва «Вагнер» хусусий ҳарбий компанияси асосчиси Евгений Пригожиннинг одамлари ўртасидаги можаро жиддийлашди. Энди ҳар икки томон «тўдабошилари» тўғридан тўғри бир-бирини танқид қилди. Пригожин чеченларни гўёки «майда миллат» деб камситишга уринди. Қодиров эса жанг майдонида чеченлар «Вагнер»дан анча самарали бўлганини иддао қилди.