Давлат амалдорининг “ипакдан тўқилган” бизнес тўри. Соҳа шахсий томорқага айлантирилганми?

Kun.uz суриштируви ипакчилик соҳасининг давлат регулятори ҳам, шу соҳадаги асосий ўйинчилардан бири ҳам айни бир шахс эканини кўрсатди. Ипакчилик қўмитаси раиси, яқингача қўмита билан бирга “Ўзипаксаноат”ни ҳам бошқариб келган Баҳром Шарипов ўзига алоқадор кўплаб компаниялар орқали ипак саноатида шахсий бизнесни юритаётгани маълум бўлди.