Сирдарё вилояти ҳокими Сенат аъзолигига сайланди

Фото: Сирдарё вилояти ҳокимлиги

Олий Мажлис Сенатида Сирдарё вилоятидан бўшаб қолган ўрин учун сайлов бўлиб ўтди.

Сайлов натижаларига кўра Сирдарё вилояти ҳокими Акмал Маҳмудалиев Олий Мажлис Сенати аъзолигига сайланди.

Акмал Маҳмудалиев 1974 йилда Фарғона вилоятида туғилган. Маълумоти олий. 1995 йилда Самарқанд кооператив институти, 2005 йилда Тошкент кимё-технология институтини тамомлаган.

У Вазирлар Маҳкамаси масъул ходими, Фарғона вилоятининг Учкўприк тумани ҳокими, Навоий вилояти ҳокимининг қишлоқ ва сув хўжалиги масалалари бўйича ўринбосари лавозимида ишлаган.

2022 йил ноябрида Акмал Маҳмудалиев Сирдарё вилояти ҳокими вазифасини вақтинча бажарувчи этиб тайинланганди. 2023 йил апрель ойи бошида у ҳокимликка расман тасдиқланди.

Бундан олдин Сурхондарё вилояти ҳокими Улуғбек Қосимов Олий Мажлис Сенати аъзолигига сайланганди.

#Сенат #Акмалжон Маҳмудалиев