Virgin Galactic коинотга тижорий парвозларини июнь охирида бошлайди
Британиялик миллиардер Ричард Брэнсоннинг Virgin Galactic Америка аэрокосмик компанияси июнь ойи охирида тижорий космик парвозни амалга оширишни режалаштирмоқда, дейилади фирма баёнотида.
Биринчи парвоз 27-30 июнь кунларига мўлжалланган бўлиб, у микрогравитация билан боғлиқ илмий тадқиқотларга йўналтирилади. Дебют миссияси доирасида Италия ҳарбий-ҳаво кучлари ва мамлакат миллий тадқиқот кенгашининг уч нафар вакили коинотга учади.
Миссия Virgin Galactic «ноёб суборбитал илмий лабораториясининг қиймати ва кучини» намойиш этади, дейилади хабарда.
Август ойи бошида хусусий астронавтлар коинотга учишади. Кейинги рейслар ҳар ой амалга оширилади.
Galactic 01 ва Galactic 02 деб номланган дастлабки иккита миссия компания веб-сайтида жонли эфирда намойиш этилади.
Пайшанба куни Нью-Йоркдаги қўшимча савдоларда Virgin Galactic акциялари 44 фоизга ошди.
Мавзуга оид
20:22 / 23.04.2024
NASA 47 йил олдин коинотга учирилган «Voyager 1» билан алоқани тиклади
10:44 / 12.04.2024
Фазовий пойга қурбонлари – ҳалок бўлган космонавтлар ва астронавтлар
08:47 / 11.08.2023
Virgin Galactic дастлабки сайёҳларни космос чеккасига олиб чиқди
08:36 / 30.06.2023