Хоразм вилояти солиқ бошқармасига янги бошлиқ тайинланди
Ўзбекистон президенти фармойиши билан Шуҳрат Саидов Иқтисодиёт ва молия вазирлиги ҳузуридаги Солиқ қўмитаси Хоразм вилояти солиқ бошқармаси бошлиғи этиб тайинланди.
Шу муносабат билан Хоразм вилояти ҳокимлигида таништирув маросими бўлиб ўтди. Унда Солиқ қўмитаси раисининг биринчи ўринбосари Мубин Мирзаев ҳамда Хоразм вилояти ҳокими Жўрабек Раҳимов иштирок этди. Шундан сўнг Мубин Мирзаев вилоят солиқ бошқармасида янги бошқарма бошлиғини ҳудудий солиқ хизмати органлари шахсий таркибига таништирди.
Ш.Саидов 2003 йилда Урганч давлат университетини иқтисодиёт мутахассислиги бўйича тамомлаган. У мазкур лавозимга тайинлангунга қадар Урганч тумани солиқ инспекцияси бошлиғи вазифасини бажарувчиси лавозимида фаолият юритиб келаётган эди.
Хоразм вилояти солиқ бошқармаси бошлиғи лавозимида 2018 йил декабридан буён Ҳурмат Абдукаримов ишлаб келаётганди.
Мавзуга оид
18:40 / 18.09.2024
Урганч давлат университети томонидан ўтказилган тендерда қонунбузилиши аниқланди
11:40 / 10.09.2024
Хоразмда 4 туп дарахт кесган шахс жарима ва зарар учун 27,8 млн сўм тўлайди
10:43 / 05.09.2024
Латвия Хоразмда математика ва IT йўналишида мактаб очади
18:31 / 19.08.2024