АҚШда лабораторияда етиштирилган гўштни сотишга рухсат берилди

Икки Америка компанияси лабораторияда гўшт ишлаб чиқариш ҳуқуқини олди. Компанияларнинг ўзида бу воқеа рўёбга чиққан орзу ва янги даврнинг бошланиши деб аталди.

Фото: Olga Yastremska / Alamy Stock Photo

Қўшма Штатларда лабораторияда ишлаб чиқарилган гўштни сотишга қонунан рухсат берилди. АҚШ Қишлоқ хўжалиги вазирлиги 21 июнь, чоршанба куни Upside Foods ва Good Meat фирмаларига маданий гўшт деб аталадиган маҳсулотни ишлаб чиқаришга якуний рухсат берди.

Натижада, АҚШ Сингапурдан кейин лабораторияда етиштирилган гўштни сотишга рухсат берган иккинчи давлатга айланди. Upside Foods буни «орзулар рўёбга чиқиши» ва «янги даврнинг бошланиши» деб атади.

Иккала Америка компанияси ҳам товуқ гўшти етиштириш билан шуғулланади. У пўлат контейнерларда ўстирилган ҳайвон ҳужайралари намунасидан олинади.

Upside Foods ҳам, Good Meat ҳам дастлаб юқори даражадаги ресторанларга лабораторияда етиштирилган гўшт етказиб бериш ниятида. Ишлаб чиқариш ҳажмини оширгандан сўнг, бундай гўшт озиқ-овқат дўконларига етказиб берилиши керак.