Қўшимча функционаллар
-
Тунги кўриниш
Қозоғистондан 24 минг литр бензин олиб чиқмоқчи бўлган ўзбекистонлик ушланди
У маъмурий жавобгарликка тортилди.
Фото: Давлат даромадлари қўмитаси матбуот хизмати
Қозоғистоннинг Туркистон вилоятидаги «Қазиғурт» божхона постида 24 минг литр АИ-92 бензинини ноқонуний олиб чиқиб кетмоқчи бўлган Ўзбекистон фуқароси ушланди.
«Қазиғурт» божхона пункти ходимлари 15 июнь куни Ўзбекистонга йўл олган «DAF» русумли юк машинасини тўхтатди. Ўзбекистон фуқароси назоратида бўлган машинада божхона декларациясига мувофиқ юкланган «Оксигенат» товарининг ҳиди шубҳа уйғотиб, кўрикдан ўтказилди. Натижада 24 дона пластик идишга (ҳар бири 1000 литрдан) бензин солингани аниқланди. Намуналар божхона илмий-тадқиқот марказида текширилганида маҳсулот АИ-92 бензини экани тасдиқланди.
Суд қарорига кўра, қоидабузар маъмурий жавобгарликка тортилиб, 103,5 минг тенге (қарийб 2,7 млн сўм) миқдорида жаримага тортилди. Олиб қўйилган бензин давлат фойдасига мусодара қилинди.
Қозоғистон қонунчилигига кўра, автотранспорт воситаларида бензин, дизель ёқилғиси ва айрим нефть маҳсулотларини республика ташқарисига олиб чиқиш тақиқланган.
Мавзуга оид
16:56 / 22.11.2024
Туркияга меъёрдан ортиқ тамаки маҳсулотларини олиб кирган ўзбекистонликлар қамоққа олинмоқда
15:18 / 20.11.2024
Ёқилғи қуйиш ва газ тўлдириш шохобчалари бўйича мобил илова ишга туширилди
15:10 / 13.11.2024
Биржага чиқарилаётган АИ-80 бензинининг бошланғич нархига нисбатан чеклов ўрнатилди
11:50 / 13.11.2024