Россия Лвивга уруш бошидан буён энг йирик ҳужумни амалга оширди. Бу ҳақда нималар маълум?

Пайшанбага ўтар кечаси Россия Лвив бўйлаб ракета зарбаси йўллади. Кўп квартирали турар жой биносининг бир қисми қулаб тушган, тинч аҳоли вакиллари ҳалок бўлган ва яраланган. Шаҳар мэри бу уруш бошидан буён қилинган энг йирик ҳужум бўлганини маълум қилди. Украин ҳарбийлари шаҳарга Қора денгиз ҳудудидан туриб учирилган «Калибр» ракеталари келиб тушганини билдирди.