Ўзбекистон ва Озарбойжон ташқи ишлар вазирлари икки томонлама ҳамкорлик масаласини муҳокама қилди

Боку шаҳрида бўлиб ўтган Қўшилмаслик ҳаракати Мувофиқлаштирувчи бюросининг вазирлар йиғилиши доирасида Ўзбекистон ташқи ишлар вазири Бахтиёр Саидов Озарбойжон ташқи ишлар вазири Жайҳун Байрамов билан музокаралар ўтказди.

Фото: ТИВ ахборот хизмати

ТИВ маълумотига кўра, ташқи сиёсат идоралари раҳбарлари Ўзбекистон–Озарбойжон стратегик шериклигини мустаҳкамлаш йўлларини муҳокама қилдилар.

Томонлар Ўзбекистон ва Озарбойжон президентларининг саъй-ҳаракатлари натижасида икки томонлама ҳамкорлик иқтисодиётдан тортиб халқ дипломатиясигача бўлган барча соҳаларда жадал ривожланаётганини алоҳида таъкидлади.