Ўзбекистонлик боксчилар WBА рейтингида пешқадамлик қилмоқда

Исроил Мадримов биринчи ўрта вазнда, Отабек Холматов ярим енгил вазнда биринчи ўринни эгаллаб турибди.

Профессионал бокс таянч ташкилотларидан бири бўлган Жаҳон бокс ассоциацияси (WBА) июль ойи якунига кўра янгиланган рейтингларни (.pdf) эълон қилди.

Унда ўзбекистонлик икки нафар боксчи пешқадамлик қилмоқда. Жумладан, Исроил Мадримов биринчи ўрта вазнда (69,8 кг), Отабек Холматов ярим енгил вазнда (57,1 кг) биринчи ўринни эгаллаб турибди.

Шу билан бирга, иккинчи ўта енгил вазнда (55,3 кг) Муроджон Аҳмадалиев, энг енгил вазнда (47,6 кг) Ҳасанбой Дўсматов, ярим ўрта вазнда (66,6 кг) Шаҳрам Ғиёсов 2-ўринда бормоқда.

Юқори кўрсаткичларга эга ўзбекистонлик боксчилардан биринчи ярим ўрта вазнда (63,5 кг) Ботир Аҳмедов 4-ўринни, иккинчи ўрта вазнда (76,2 кг) Бектемир Мелиқўзиев 6-ўринни эгаллаб турибди.