Қўшимча функционаллар
-
Тунги кўриниш
Ўзбекистонда 75 кг кучли таъсир қилувчи модданинг ноқонуний айланмасига чек қўйилди
ДХХ ва Божхона қўмитаси ходимлари ҳамкорлигида ўтказилган тезкор тадбирда «прегабалин» кучли таъсир қилувчи моддасини почта жўнатмалари орқали хориждан олиб келиш ва қадоқлаб, сотиш билан шуғулланган жиноий гуруҳ фаолиятига чек қўйилди.
2 та ҳолатда Хитой давлатидан 6 нафар Ўзбекистон фуқароси номига юборилган почта жўнатмалари кўздан кечирилганда, уларнинг ичида полиэтилен пакетларга солинган, оқ рангли, кукунсимон, ҳидсиз моддалар борлиги аниқланиб, экспертизадан ўтказилди.
Натижада, ушбу моддаларнинг соф оғирлиги 75 кг 373 граммни ташкил этиб, улар «прегабалин» кучли таъсир қилувчи моддаси эканлиги аниқланди. Жўнатмаларга доир ҳужжатларда юк эгалари «прегабалин» моддасининг ҳақиқий номини яшириб, гўёки косметик хомашё сифатида кўрсатган.
Тезкор тадбир давомида ушбу жўнатмаларни қабул қилиб олган вақтида жиноий гуруҳ вакили ушланди. Шунингдек, тезкор тадбир давом эттирилиб, гуруҳнинг қолган 4 нафар аъзоси ҳам процессуал тартибда қўлга олинди.
Улар томонидан ижарага олинган хонадонда эса кучли таъсир қилувчи моддаларни қадоқлаш учун мўлжалланган кичик лаборатория борлиги аниқланди. Ушбу манзилда «прегабалин» моддаси бўш капсулаларга қадоқланиб, сўнгра ижтимоий тармоқлар орқали унинг сотуви йўлга қўйилган.
Жиноий гуруҳдан олиб қўйилган 75 кг 373 гр «прегабалин» моддасидан 150 минг донадан ортиқ капсула кўринишидаги кучли таъсир қилувчи дори воситалари тайёрланиб, сотувга чиқарилганида кўплаб ёшларни заҳарлаши мумкин эди.
Ҳозирда мазкур шахсларга нисбатан жиноят иши қўзғатилиб, тергов ҳаракатлари олиб борилмоқда.
Мавзуга оид
08:24 / 18.04.2025
Гиёҳвандлик воситалари савдоси билан шуғулланувчи канал рекламасини тарқатган шахс ушланди
10:38 / 11.04.2025
ДХХ гиёҳвандлик воситалари савдосига қарши тезкор тадбирлар ўтказди
11:50 / 25.03.2025
Ҳудудларда салкам 100 кг гиёҳвандлик воситалари ашёвий далил сифатида олинди
14:36 / 16.03.2025