Араб чемпионлари кубоги. «Ал-Иттиҳод» «Ал-Ҳилол»га мағлуб бўлиб, яримфиналга чиқа олмади

Тоифда ўтган баҳсда Саудия Арабистонининг амалдаги чемпиони «Ал-Иттиҳод» «Ал-Ҳилол»га қарши майдонга тушиб, мағлубиятга учради. Жорже Жезуш мураббийлигидаги Ар-Риёд клубида шу куни Калиду Кулибали, Сергей Милинкович-Савич, Рубен Невеш, Малком майдонга тушди. Сербиялик ва бразилияликнинг голи жамоасига ғалаба келтирди. Яна бир голга Ад-Досари муаллифлик қилди. Ромариньо жиддаликларнинг ягона голини киритди. 

«Ал-Иттиҳод» сафида Бензема 78-дақиқада пенальтидан гол кирита олмади. Шу тариқа, Эшпириту Санту жамоаси яримфиналга чиқа олмади.

Яна икки баҳсда «Ан-Наср» «Ража Касабланка»га қарши ўйнаса, «Аш-Шабоб» «Ал-Ваҳда» билан ўйнайди. «Ал-Шорта» ва «Ал-Ҳилол» яримфиналда рақибини кутмоқда.

Араб чемпионлари кубоги. Чоракфинал
«Ал-Иттиҳод» – «Ал-Ҳилол» – 1:3
Голлар: 0:1 – Милинкович-Савич (15), 0:2 – Ад-Досари (45+2, пенальти), 1:2 – Ромариньо (56), 1:3 – Малком (70).
«Ал-Иттиҳод»: Гроэ, Ал-Шангити, Шарахили, Хавсави, Бамсауд, Канте, Коронадо, Ал-Амри, Ромариньо (Ас-Саҳафи, 88), Жота Невеш (Ан-Нашри, 79), Бензема.
«Ал-Ҳилол»: Ал-Майюф, Абдулҳамид (Ал-Бурайк, 90+4), Кулибали, Ал-Булайхи, Аш-Шаҳрони (Ад-Досари, 90+4), Канно, Невеш (Каррильо, 87), Микаэль (Ал-Ҳамдан, 62), Ад-Досари, Милинкович-Савич, Малком (Ал-Жувайр, 87).