Давронжон Одилов «Янги Тошкент» қурилишига масъул бўлади

Президент қарори билан, Давронжон Одилов қурилиш ва уй-жой коммунал хўжалиги вазири ўринбосари – «Янги Тошкент шаҳрини барпо этиш дирекцияси» директори лавозимига тайинланди.

Фото: Президент матбуот хизмати

Тайинловга қадар у қурилиш ва уй-жой коммунал хўжалиги вазирининг ўринбосари лавозимида ишлаётганди.

Давронжон Қобилжонович Одилов муқаддам Тошкент шаҳрининг Юнусобод туманидаги «Gold Step Invest» МЧЖ директорининг қурилиш бўйича ўринбосари бўлиб ишлаган. 2021 йил январида қурилиш вазирига (ўша вақтда Шерзод Ҳидоятов) биринчи ўринбосар тайинланганди.

2023 йил июл ойи охирида президент қарори билан Вазирлар Маҳкамаси ҳузурида давлат муассасаси шаклида «Янги Тошкент шаҳрини барпо этиш дирекцияси» ташкил этилганди. У кенг ваколатларга эга бўлиб, шаҳарни ривожлантириш режаларини ишлаб чиқади, инвесторлар билан шартномалар тузади ва ҳоказо.