10 кун ичида деярли 1,5 тонна сифатсиз гўштнинг Тошкентга олиб кирилиши тўхтатиб қолинди

Хусусан, 10 август куни ветеринария ҳужжатлари бўлмаган 1,1 тонна номаълум ҳайвон гўшти пойтахтга олиб кирилаётгани аниқланган.

Фото: Тошкент шаҳар ИИББ

Август ойининг 10 куни давомида Тошкентга 1 497 кг сифатсиз гўшт маҳсулотлари олиб кирилишининг олди олинди.

Тошкент шаҳар ИИББ хабарига кўра, бу борадаги тадбирларни бошқарманинг Карантин тадбирларини таъминлаш гуруҳи ва Санитария-эпидемиология хизмати биргаликда олиб борган.

“Мисол учун, жорий йилнинг 10 август куни Чилонзор тумани ТХАЙ бўйлаб ўтказилган тунги тадбир пайтида Самарқанд-Тошкент йўналиши бўйлаб ҳаракатланаётган 28 ёшли Қодиржон Х. бошқарувидаги “ISUZU” русумли автотранспорт воситаси тўхтатилди. Текширув жараёнида ветеринария ҳужжатларига эга бўлмаган, майдаланган ва музлатилган ҳолдаги жами 1 111 кг номаълум ҳайвон гўшти олиб кетилаётгани маълум бўлди.

Гўшт маҳсулотлари лабораторияга текшириш учун юборилди”, – дейилади хабарда.

Пойтахтга ташилаётган ўлакса гўшт. Улар қаерларда истеъмол қилинмоқда?

Тайёрлаган: Комрон Чегабоев

#Тошкент #гўшт