Британиянинг янги элчиси Ўзбекистон ташқи ишлар вазирига ишонч ёрлиқлари нусхаларини топширди

Ташқи ишлар вазири Бахтиёр Саидов Буюк Британиянинг Ўзбекистондаги янги элчиси Тимоти Смартдан ишонч ёрлиқлари нусхаларини қабул қилиб олди.

Фото: Dunyo

«Буюк Британиянинг Ўзбекистондаги фавқулодда ва мухтор элчиси этиб тайинланган Тимоти Смарт жанобларидан ишонч ёрлиқлари нусхаларини қабул қилиб, Ўзбекистон-Буюк Британия ҳамкорлигининг кенг кўламли кун тартибини муҳокама қилишдан мамнунмиз, - деб ёзди Ўзбекистон ТИВ раҳбари ўзининг Telegram-каналида. - Элчининг келгусидаги аниқ натижаларга эришиш истагини юқори баҳолаймиз».

Тимоти Смарт 2019 йилдан буён Буюк Британиянинг Тошкентдаги элчихонасига раҳбарлик қилган Тимоти Торлот ўрнини эгаллади.