Мариуполдаги ишчилар ва Бахмут атрофидаги артиллериячилар. Уруш суратлари

Украинадаги урушнинг 540-куни ўтди. Асосий маълумотлар:

• 2025 йил ёзига қадар Россия Shahed типидаги 6 мингта камикадзе дрон ишлаб чиқаришни режалаштирмоқда, деб хабар берган The Washington Post.
• Украинада ҳарбий ҳолат ва сафарбарлик 15 ноябрга қадар узайтирилди.
• Украина миллий гвардияси «Азов» полк қайта тиклангани ва фронтга қайтгани ҳақида хабар берди.
• FT маълумотига кўра, Россия Украина авиабазалари, учиш-қўниш йўлаклари ва учувчиларни тайёрлаш марказлари бўйлаб зарбалар интенсивлигини оширган.
• РФ мудофаа вазирлигига кўра, 17 август куни кечқурун украинларнинг денгиз дрони Қора денгиз флоти кемасига ҳужум қилишга уринган, аммо нишонга етиб кела олмаган ва йўқ қилинган.
• Путиннинг Россия Марказий банки раҳбарияти билан шошилинч равишда ўтказилган мажлисда рубл курсини қўллаб-қувватлаш мақсадида бизнес учун валюта назоратини ҳозирча кучайтирмасликка қарор қилинди.

Кун кадри. Харкив областидаги вайронгарчилик

Россия қўшинлари Харкив области ҳудудларига ҳаводан мунтазам равишда зарбалар йўллаб келмоқда. Хусусан, 17 август тонгида РФ армияси Купянск районидаги Заосколье оралиқ темирйўл станциясини ўққа тутди — област ҳарбий маъмурияти раҳбари Олег Синегубовнинг маълумотига кўра, бир аёл ҳалок бўлган, яна бир аёл жароҳат олган.

Бахмут атрофидаги украин артиллериячилари

Реабилитация марказидаги украин аскарлари

Оккупация остидаги Мариупол ҳаёти