Тошкентнинг қайси туманларида квартира ижараси нархи арзонроқ экани айтилди

Кўчмас мулк бозорида шартномалар сони кўпайди, ижара нархи ўсди.

Фото: Kun.uz

Иқтисодий тадқиқотлар ва ислоҳотлар маркази ўзининг навбатдаги шарҳида кўчмас мулк бозорида юз берган ўзгаришларни таҳлил қилди.

Август ойида кўчмас мулк савдоси 12,8 фоизга ўсди, рўйхатга олинган олди-сотди битимлари сони 28 мингтани ташкил этди. Бу бир ой олдинги кўрсаткичга нисбатан деярли 3 мингтага кўп.

Сўнгги икки ой ичида пойтахт уй-жой бозорида фаоллик нисбатан паст бўлса-да, ўсаётганини кўриш мумкин. Шундай қилиб, август ойида савдо ҳажми 10 фоизга ошди ва 7,5 минг хонадонни ташкил этди.

Пойтахтда квартирани ижарага олиш Учтепа (7,1 доллар), Сергели (6,7 доллар) ва Бектемир (5,6 доллар) туманларида энг мақбул нарх бўлиб қолмоқда.

Иккиламчи кўчмас мулк бозорида биринчи марта йил бошида квартиралар нархининг пасайиши кузатилди. Август ойида уй-жойларнинг квадрат метри учун ўртача нарх 0,7 фоизга пасайган бўлса, ўтган йилга нисбатан иккиламчи уй-жойлар нархи 22 фоизга ошди.

Ўтган йилнинг август ойига нисбатан Тошкент шаҳрида иккиламчи уй-жойларнинг ўртача нархи 31,6 фоизга ошган.