NBC News: АҚШ Украинага ATACMS тактик баллистик ракеталарини беради

Узоқ масофали ATACMS ракеталари Украина Қуролли кучларига Россияга эгаллаб олган ҳудудларни ушлаб туриши керак бўлган ичкаридаги омборлар, таъминот марказлари ва қўмондонлик пунктларига зарба беришга имкон яратади.

Фото: U.S. Army/Avalon/Photoshot/picture alliance

АҚШ Украинага ATACMS тактик баллистик ракеталарини юборади, деб хабар берди Американинг NBC News телеканали 22 сентябр, жума куни Оқ уйнинг уч нафар расмийси ва Конгресснинг бир вакилига таяниб. Улар қанча ATACMS ракеталари берилиши ва Киев уларни қачон қабул қилишига аниқлик киритмаган. Уларнинг сўзларига кўра, АҚШ президенти Жозеф Байден украиналик ҳамкасби Володимир Зеленский билан суҳбатда гап оз сон ҳақида кетаётганини таъкидлаган.

Киев бир неча ойлардан бери Россия қўшинларини қайтариш учун Украина армиясига ушбу қуролни етказиб беришга чақириб келади. АҚШ Мудофаа вазирлиги вакиллари етарли миқдордаги ATACMS йўқлигига ишора қилди. Бундан ташқари, айрим расмийлар, агар бу қурол етказиб берилса, Украинада уруш авж олишидан хавфсираяпти. Шу билан бирга, Қўшма Штатларда Украинага юбориладиган ракеталар тури бўйича баҳслар давом этмоқда, деди NBC News’нинг Конгрессдан суҳбатдоши.

ATACMS ракеталари Украина Қуролли кучларига Россия эгаллаб олинган ҳудудларни ушлаб туришида керак бўлган ичкари ҳудудлардаги омборлар, таъминот марказлари ва қўмондонлик пунктларига зарба беришга имкон яратади. АҚШ арсеналида парвоз масофаси 160 кмдан 300 кмгача бўлган бир нечта ATACMS моделлари мавжуд.