Ўзбекистон президенти Германияга жўнаб кетди

Фото: Президент матбуот хизмати

Ўзбекистон президенти Шавкат Мирзиёев Германия федерал канцлери Олаф Шолцнинг таклифига биноан 28 сентябр куни амалий ташриф билан Берлин шаҳрига жўнаб кетди.

Давлат раҳбари Германия пойтахтида бир қатор расмий ва ишбилармонлик учрашувларини ўтказади, Марказий Осиё ва Германия давлат раҳбарлари форматидаги тадбирларда иштирок этади.

Ўзбекистон етакчиси Германия иқтисодиёти Шарқий қўмитаси томонидан ташкил этиладиган ишбилармонлик тадбирларида ҳам иштирок этиши кўзда тутилган.

Кун тартибидан Ўзбекистон президентининг жорий йил май ойидаги Германияга расмий ташрифи давомида эришилган келишувларни амалга ошириш, Германиянинг етакчи компания ва банклари билан инвестициявий, инновациявий ва технологик ҳамкорликни кенгайтириш масалалари ўрин олган.

Ташриф 30 сентябрга қадар давом этади.