Шавкат Мирзиёевнинг Россияга ташрифи бошланди

Ўзбекистон президенти Шавкат Мирзиёев Россияга расмий ташрифнинг биринчи манзили – Қозон шаҳрига келди.

Абдулла Тўқай номидаги халқаро аэропортда давлат раҳбарини Россия ҳукумати раисининг ўринбосари – саноат ва савдо вазири Денис Мантуров ва Татаристон раиси Рустам Миннихонов кутиб олди.

Ташриф дастурига мувофиқ, бугун Қозонда қатор тадбирлар бўлиб ўтади.

Эртага, 6 октябрь куни, Москвада бўлиб ўтадиган олий даражадаги учрашувда икки мамлакат етакчилари Ўзбекистон-Россия муносабатларини янада мустаҳкамлаш ва кўп қиррали ҳамкорликни, энг аввало, сиёсий, савдо-иқтисодий, инвестициявий ва маданий-ҳуманитар соҳаларда ривожлантириш масалаларини муҳокама қилади.