Uzbekistan Airways Исроилга 12 октябрдаги авиақатновини давом эттиради

Ўзбекистон элчихонасига кўра, кейинги авиақатновлар тўғрисида қўшимча маълумот берилади.

Фото: Kun.uz

Аввалроқ элчихона Uzbekistan Airways 12 октябрдан бошлаб Тошкентдан Тел-Авивга парвозларни вақтинча тўхтатиши ҳақида хабар жойлаштирганди.

Унда қарор «ҳозирги хавфсизлик талаблари» туфайли қабул қилинди», дейилганди.

Кейинчалик ушбу хабар олиб ташланиб, қатновлар давом эттирилиши тўғрисида бошқа маълумот эълон қилинди.

Бундан олдин Ўзбекистон элчихонаси Исроил ва Ғазо секторидаги можаро ҳудудларида мажбуран ушлаб турилганлар орасида ватандошлар борлиги ҳақида дипломатик миссияга маълумот келиб тушмаганини маълум қилганди.

Исроилда 10 мингга яқин Ўзбекистон фуқароси истиқомат қилади ва вақтинча меҳнат фаолияти билан шуғулланади.

#Исроил #авиақатнов