ҲАМАС гаровга олинган икки нафар америкалик аёлни озод қилди

Она ва қиз гаровдан «гуманитар сабабларга кўра» озод этилган. Бунга Қатар давлати воситачилик қилган.

Фото: Al Jazeera

Фаластиннинг ҲАМАС ҳаракати гаровда бўлган икки нафар АҚШ фуқаросини Қатарнинг воситачилигида озод қилди.

Ташкилот баёнотида айтилишича, она ва қиз гаровдан «гуманитар сабабларга кўра», «Америка халқи ва бутун дунёга АҚШ президенти Жо Байден ва унинг маъмурияти баёнотлари ёлғон эканини исботлаш учун» озод қилинган.

Исроил расмийлари гаровдаги аёллар озод этилганини тасдиқлади. Онанинг исми Йехудит Раанан, унинг қизи Натали экани айтилмоқда. Улар 7 октябр куни Нахал Оз қишлоғида гаровга олинган.

Озод қилинганлар Халқаро Қизил Хоч қўмитаси қарамоғига ўтказилган.

Исроил расмийлари маълумотига кўра, 7 октябр куни ҲАМАС вакиллари Исроилга ҳужум чоғида 200 дан ортиқ одамни гаровга олган. ҲАМАС 200-250 кишини ушлаб турилганини айтмоқда.

#Исроил #Фаластин #Ҳамас

2023 йил 7 октябр куни Ғазо бўлгасидаги Ҳамас кучлари Исроилга ёппасига ракета зарбалари бериб, чегарадаги аҳоли пунктларини эгаллай бошлади. Бунга жавобан Исроил қўшинлари Ғазо бўлгасига бостириб кирди. Бу сафарги эскалация аввал кузатилмаган даражада кўп қурбонларга олиб келди.