АҚШда қуюқ туман туфайли 158 та машина тўқнашди, 7 киши ҳалок бўлди
Авария оқибатлари бартараф этилмоқда. Яқин келажакда қурбонлар сони сезиларли даражада ошиши мумкинлиги айтилмоқда.
АҚШ Луизиана штатида ботқоқлик ёнғинлари туфайли юзага келган қуюқ туман туфайли 158 та машина тўқнашиб кетди. AP хабарига кўра, воқеа оқибатида етти киши ҳалок бўлган, 25 киши турли тан жароҳати билан шифохонага ётқизилган.
Ҳодиса Морепас ботқоқлари ва Понтчартрейн кўли устидан ўтувчи Ню-Орлеан яқинидаги йўлда содир бўлган. Луизиана штати полицияси қутқарувчилар автомобил бўлакларини тозалашда давом этар экан, яқин келажакда қурбонлар сони сезиларли даражада ошиши мумкинлигидан огоҳлантирди. Маълум бўлишича, тўқнашув натижасида битта автомобил катта йўл панжарасидан ўтиб, сувга қулаган, бироқ ҳайдовчи омон қолган.
Айни пайтда йўлда кўп километрлик тирбандлик вужудга келган Йўл-транспорт ҳодисаси жойида қолиб кетган ҳайдовчиларни олиб кетиш учун мактаб автобуслари жалб қилинган.
Мавзуга оид
16:29
АҚШда радиоактив йўл қурилишига рухсат берилди
20:53 / 11.10.2024
“Орландо ва у ердаги ўзбеклар “Милтон” тўфонидан жабр кўрмади” — Соҳиб Аббосхон
15:57 / 11.10.2024
АҚШда муваффақиятли ажратилган сиам эгизаклари биринчи туғилган кунини нишонлади
15:51 / 11.10.2024