Фото: ХХР маданият ва туризм вазири Самарқандда

Хитой Халқ Республикаси маданият ва туризм вазири Ху Хепин Самарқанддаги туризм обектлари билан танишмоқда.

Ху Хепин Ўзбекистон Экология, атроф-муҳитни муҳофаза қилиш ва иқлим ўзгариши вазири Азиз Абдуҳакимов бошчилигидаги делегация ҳамроҳлигида тарихий шаҳарнинг сайёҳлик жойлари – Улуғбек расадхонаси, Афросиёб музейи ҳамда Шоҳи-Зинда ансамбли билан танишди.

Шу билан бирга, меҳмонларга маданият вазири Озодбек Назарбеков ва туризм қўмитаси раиси Умид Шодиев ҳамроҳлик қилмоқда.

ХХР делегацияси ташрифидан мақсад «Бир макон – бир йўл» ташаббусининг 10 йиллигини нишонлашга бағишланган тадбирларда иштирок этишдан иборат.