АҚШ ва Хитой Байден ва Си ўртасидаги бўлажак учрашув бўйича келишувга эришди
Ҳозирча, учрашув санаси ноаниқ бўлиб қолмоқда.
Қўшма Штатлар ва Хитой ўз етакчилари Жо Байден ва Си Жинпинг ўртасидаги учрашув бўйича принципиал келишувга эришди. Айни дамда томонлар тафсилотлар бўйича музокара ўтказмоқда. Бу ҳақда АҚШ президенти матбуот котиби ўринбосари Эмили Саймонс хабар берди.
«Мен логистик режалаштириш масаласида олдиндан бир нарса деёлмайман, лекин Хитой томони билан учрашув бўйича принципиал келишувга эришдик», деди у.
Аввалроқ, Оқ уй матбуот котиби Карин Жан-Пиер президент Жо Байден Хитой раҳбари билан учрашишни интиқлик билан кутаётганини маълум қилганди.
28 октябр куни АҚШ маъмурияти ва Хитой ташқи ишлар вазири Ван И ўртасидаги Вашингтонда ўтказилган мулоқот чоғида ноябр ойида бўлиб ўтадиган APEC саммитида Жо Байден ва Си Жинпинг ўртасидаги учрашувни режалаштиришга ўзаро тайёрлик билдирилгани хабар қилинганди.
Аниқлик киритилишича, президент Байденнинг Ван И билан учрашуви бир соатга яқин давом этган, вазир АҚШ президенти маслаҳатчиси Жейк Салливан билан яна уч соат, давлат котиби Энтони Блинкен билан олти соат суҳбатлашган.
Мавзуга оид
20:53 / 11.10.2024
“Орландо ва у ердаги ўзбеклар “Милтон” тўфонидан жабр кўрмади” — Соҳиб Аббосхон
20:44 / 11.10.2024
Хитойнинг чангютгич-роботлари тўсатдан ўз эгаларини қувиб, сўкинишни бошлади
17:18 / 11.10.2024
Хитой Марказий банки раисининг собиқ ўринбосари пора олгани учун ўлимга ҳукм қилинди
15:57 / 11.10.2024