Ўзбекистон илк бор камондан отиш бўйича Олимпиада лицензиясини қўлга киритди

Тарихда илк бор камондан отиш бўйича Ўзбекистон миллий жамоаси Олимпиада лицензиясини қўлга киритди.

Фото: МОҚ

Камондан отиш бўйича Ўзбекистон миллий жамоаси Таиландда ўтаётган Париж-2024 лицензион турнирида Олимпиада йўлланмасини қўлга киритди.

Миллий олимпия қўмитаси хабарига кўра, аёллар ўртасида яккалик дастурида баҳс олиб борган Зиёда Абдусатторова финалгача етиб бориб, Олимпиада иштирокчисига айланди.

Регламентга кўра, яккалик йўналишида ўтаётган ушбу турнирда финалчилар Париж-2024 йўлланмасига эга бўлади.

Шу тариқа, камондан отиш бўйича Ўзбекистон миллий жамоаси ўз тарихида илк бор Олимпиада йўлланмасига сазовор бўлмоқда.