Тошкент оғир атлетика бўйича ёшлар ўртасидаги жаҳон чемпионатига мезбонлик қилади

Ўзбекистон пойтахти бу мусобақага биринчи марта мезбонлик қилиши эмас.

Фото: Fotolia

Қатарда Халқаро оғир атлетика федерацияси Ижроия қўмитасининг йиғилишида келгуси мусобақаларнинг мезбонлари аниқланди. Бу ҳақда МОҚ хабар берди.

Йиғилишда Тошкент шаҳри 2025 йилги ёшлар ўртасидаги жаҳон чемпионати мезбони сифатида эълон қилинган. Мазкур турнир 2018 йилда ҳам Ўзбекистонга пойтахтига ишониб топширилганди.

Катталар ўртасидаги жаҳон чемпионатининг 2026 йилги мезбонлиги эса Хитойнинг Нинбо шаҳрига берилди. Ушбу мусобақа 2024 йил Баҳрайн, 2025 йил эса Норвегия мезбонлигида ўтади.

Маълумот учун, 4 декабрдан Қатар давлатида оғир атлетика бўйича Гран-при турнири бошланди. Мазкур мусобақа Париж-2024 Олимпиадаси учун рейтинг очколарни тақдим этади. Унда Ўзбекистон терма жамоаси ҳам иштирок этмоқда.

#оғир атлетика #жаҳон чемпионати

Kun.uz янгиликларини Google News'да кузатинг

+ Обуна бўлиш