Чипталар деярли сотиб бўлингандан сўнг талабаларга поезд учун 50 фоизли чегирма эълон қилинди

Онлайн чипта олиш мумкин бўлган платформага кўра, ҳозирда қишки таътил кунларидаги поездлар учун чипталар қолмаган.

Ўзбекистонда талабалар қишки таътил вақтида маҳаллий йўналишлардаги поездлар қатновида чипталардан чегирмали нархда фойдаланиши мумкин, деб хабар берди “Ўзтемирйўлйўловчи”.

Хабарда чипталар нархига 50 фоизли чегирмалар 2023 йилнинг 25 декабридан 2024 йилнинг 7 январига қадар амал қилиши қайд этилган.

Чегирмалар фақат маҳаллий йўналишдаги йўловчи поездлари учун белгиланган. Яъни бу имтиёз SV /VIP класс вагонлари ва юқори тезликда ҳаракатланувчи “Афросиёб” электропоезди учун амал қилмайди.

Чипталарни паспорт билан темирйўл кассаларига ташриф буюриш ёки электрон тарзда “eticket.railway.uz” сайтидан харид қилиш мумкинлиги айтилган.

Блогер Хушнудбек Худойбердиевнинг ёзишича, талабалар учун чегирмалар чипталар деярли сотилиб бўлгандан кейингина эълон қилинган.

У “ҳар йили йўқ чиптага кечикиб чегирма эълон қилиниши, ундан кўра талабалар учун йилнинг исталган даврида қишки таътил учун чегирма асосида чипта олиш ҳуқуқи бўлиши кераклиги, улар декабрь келишини кутиб ўтириши нотўғрилиги” эканлигини таъкидлаган.

#чипта #чегирма #Ўзтемирйўлйўловчи

Kun.uz янгиликларини Google News'да кузатинг

+ Обуна бўлиш