Исроил армияси ҲАМАС ер ости туннелларининг «тожидаги жавоҳири»ини топди

Унинг чуқурлиги 50 метр, узунлиги эса 4 километрга яқин экани таъкидланмоқда.

Исроил қуролли кучлари Ғазо секторида ҲАМАС ҳаракатига тегишли улкан туннелни топди ва уни илгари топилган барча коммуникация тизимларининг «тожидаги жавоҳири» деб атади.

«Исроил мудофаа кучлари Ғазо секторидаги ҲАМАС инфратузилмасининг «тожидаги жавоҳири»дан бири бўлган, улкан туннелни топиб, кенг жамоатчиликка тақдим этди», деди Исроил бош вазири вакили Ариэл Булштейн.

Туннел кўламини тавсифлар экан, Булштейн унинг чуқурлиги 50 метрга етганини, узунлиги эса 4 километрга яқин эканини тушунтирди. Автомобиллар туннелдан ҳеч қандай тўсиқсиз ўтиши мумкин ва унинг безакларига «дунёнинг кўплаб мамлакатларидаги метро станциялари ҳам ҳасад қилиши мумкин».

17 декабр куни Исроил мудофаа кучлари (ЦАҲАЛ) Фаластиннинг ҲАМАС ҳаракатига тегишли энг йирик туннел тизимини топгани ҳақида хабар берилган эди.

#Исроил #Фаластин #Ҳамас

2023 йил 7 октябр куни Ғазо бўлгасидаги Ҳамас кучлари Исроилга ёппасига ракета зарбалари бериб, чегарадаги аҳоли пунктларини эгаллай бошлади. Бунга жавобан Исроил қўшинлари Ғазо бўлгасига бостириб кирди. Бу сафарги эскалация аввал кузатилмаган даражада кўп қурбонларга олиб келди.