Ўзбекистон ТИВ таҳлилий бошқармасига янги раҳбар тайинланди

Шуҳрат Йигиталиев Ўзбекистон Ташқи ишлар вазирлигининг Стратегик таҳлил ва ташқи сиёсатни режалаштириш бошқармаси бошлиғи вазифасини бажарувчи этиб тайинланди.

«Дунё» хабарига кўра, дипломат 47 ёшда. У Ўзбекистон давлат жаҳон тиллари университети, Франциянинг Страсбург университетини тамомлаган.

Меҳнат фаолияти давомида мамлакатнинг етакчи таҳлилий тузилмаларида, жумладан, Ўзбекистон президенти ҳузуридаги Стратегик ва минтақалараро тадқиқотлар институтида, шунингдек, Туркиядаги элчихонада турли лавозимларда ишлаган.

Шуҳрат Йигиталиев Ўзбекистоннинг Испаниядаги элчиси Фаррух Турсунов ўрнига тайинланди.