Латвияда «Яндекс» билан боғлиқ сайтларга кириш блокланди

Латвия миллий электрон медиа-кенгаши (NEPLP) Россиянинг «Яндекс» хизматига тегишли барча сайтларга киришни ёпди. Бу ҳақда кенгаш раиси Ивар Аболинш 28 декабр, пайшанба куни Х ижтимоий тармоғидаги саҳифасида маълум қилди.

«Яндекс.Музыка» хизматига кириш ҳам блокланади, чунки у «Россияда санкция остидаги шахслар томонидан яратилган» подкастлар ва шунга ўхшаш контентдан бепул фойдаланиш имконини беради», дейилади хабарда.

NEPLP 2022 йилдан бошлаб «Яндекс» сайтига киришни чеклади

2022 йил март ойида Латвия Yandex Taxi B.V. лицензиясини бекор қилди ва Yandex Go иловасини блоклади. Қарор Yandex Go иловаси Россияда жойлашган серверлар билан маълумот алмашиши сабаб қабул қилинган айтилди. Шу тариқа, бўлим Латвия фуқаролари ва иловадан фойдаланган хорижликлар ҳақидаги маълумотлар Россия қўлига тушмаслигини таъминлашга қарор қилди.

Ўша йилнинг апрел ойида NEPLP Латвияда «Яндекс» сайти ва унинг нусхаларига киришни чеклашга қарор қилди, чунки ташкилот маълумотларига кўра, yandex.ru асосий саҳифасида дунёдаги воқеалар, шу жумладан Украинадаги уруш ҳақида ҳақида «бузилган ва ёлғон маълумотлар» тарқатилмоқда. 

«Яндекс»нинг ўзи айбловларга жавобан: сайт ҳеч қандай контент яратмайди ёки тарқатмайди, деб таъкидлади - у қидирув тизими сифатида ишлаб чиқилган ва ишлайди, унинг иши, NEPLP билдирганидек, сўнгги янгиликларни тарқатишга эмас, балки фойдаланувчилар «учун кўпроқ мос келадиган маълумотни» излаш таклифига асосланган.