Тошкентда кафе ёниб кетди

Ҳодиса оқибатида тан жароҳатлари олган уч киши шифохонага ётқизилган.

Фото: «Газета.uz»

Тошкент шаҳри Миробод туманида жойлашган кафелардан бири ёниб кетган. ФВВ ахборот хизматининг хабар беришича, ҳодиса бугун, 13 январ куни эрталаб содир бўлган.

Маълум қилинишича, соат 09:39 да Тошкент шаҳар ФВБга Миробод тумани, Саракул кўчасида жойлашган кафеларнинг бирида ёнғин содир бўлаётганлиги тўғрисида хабар тушган.

Шунга кўра, соат 09:44 да ҳодиса жойига 5 та ёнғин-қутқарув экипажи етиб борган ва соат 10:35 да ёнғин ўчирилган.

Ёнғин оқибатида кафе биносининг тахминан 150-200 метр квадрат том ва шифт қисми ёниб зарарланган.

Дастлабки маълумотларга кўра, ёнғиндан 3 нафар фуқаро тан жароҳати олиб, шифохонага ётқизилган.

#ёнғин #кафе