Ўзбекистоннинг биринчи хоними Пекиндаги Хитой Миллий музейига ташриф буюрди 

Ушбу музейда Хитойнинг 5 минг йилдан ортиқ тарихидан сўзловчи 620 мингдан ортиқ ноёб экспонатлар сақланади. 

Биринчи хонимлар музейдаги Хитойнинг бой маданияти ҳақидаги нодир экспозицияларни катта қизиқиш билан томоша қилди. 

Президент Шавкат Мирзиёевнинг Хитойга давлат ташрифи доирасида Ўзбекистоннинг биринчи хоними Зироат Мирзиёева Хитой раисининг рафиқаси Пэн Лиюан ҳамроҳлигида Пекиндаги Хитой Миллий музейини кўздан кечирди. 

Ушбу музейда Хитойнинг 5 минг йилдан ортиқ тарихидан сўзловчи 620 мингдан ортиқ ноёб экспонатлар сақланади. 

Биринчи хонимлар музейдаги Хитойнинг бой маданияти ҳақидаги нодир экспозицияларни катта қизиқиш билан томоша қилди. 

Суҳбат чоғида икки халқ маданияти ва қадриятлари ўхшашлиги, ришталар кўп минг йиллик тарихга эга экани, буларнинг барчаси бугунги муносабатлар ривожига кучли суръат бағишлаётгани қайд этилди. 

Зироат Мирзиёева икки халқни янада яқинлаштириш, ўзаро англашувни мустаҳкамлаш мақсадида маданий-гуманитар ҳамкорликни кенгайтириш муҳимлигини, мамлакатларда мунтазам ўтказилаётган Маданият кунлари бунга ёрқин мисол эканини таъкидлади.