Россиядаги суд ишлари ва Донбассдаги ҳарбийлар. Уруш суратлари

Украинада урушнинг 701-куни ўтди. Асосий маълумотлар:

РФ Тергов қўмитаси Белгород областида Ил-76 ҳалокатидан кейин теракт бўйича жиноий иш очди. Украина хавфсизлик хизмати ҳам текширув ишларини бошлаган.
Украина разведкаси тасдиқлашича, Ил-76 самолётида россиялик мулозимлар ҳам учиши керак бўлган, аммо ФХХ сўнгги дақиқаларда уларга бортга чиқишни тақиқлаган.
Суд 2023 йил 2 апрелида ҳалок бўлган Владлен Татарский ишида айбдор деб топилган Даря Треповани 27 йилга озодликдан маҳрум этди.
Собиқ «ДХР мудофаа вазири» Игор Стрелков (Гиркин) экстремизмга чорлов бўйича ишда айбланиб, тўрт йилга қамалди.
Украинада жанг қилган собиқ маҳбуслар Путинга мурожаат қилишди. Улар ваъда қилинган маошлар ва жароҳатланганлик учун кўзда тутилган тўловларни олишмаганидан шикоят қилишган.
Россиядаги телеграм-каналлар Украина қуролли кучлари ДХР ҳудудидаги Иловайскни ўққа тутгани ҳақида хабар берди. Уларнинг маълумотларига кўра, қурбонлар ва жароҳатланганлар бор, аммо уларнинг сонига аниқлик киритилмаган. Ҳужум ҳақида расмий маълумот йўқ.
France Info телеканали манбаси Россиянинг Ил-76 самолёти украинларнинг ҳаво ҳужумидан мудофаа тизимининг Patriot ракеталари билан ўққа тутилгани ҳақида хабар берди. Бу маълумот тасдиқланмаган.

Кун кадри. Россиянинг Авдийивка атрофида яксон этилган зирҳли техникалари