Қўшимча функционаллар
-
Тунги кўриниш
Қашқадарёда канал қирғоғини реконструкция қилиш вақтида 150 та дарахт қўпориб ташланди
Дарахтлар кесилиши натижасида ўсимлик дунёсига 1 миллиард 165 миллион 350 минг сўм зарар етказилган.
Қашқадарё вилояти экология бошқармаси томонидан Касби туманида навбатдаги рейд тадбирлари ўтказилди. Бу ҳақда бошқарма матбуот хизмати хабар берди.
Рейд давомида To‘palang HPD Holding МЧЖ масъуллари томонидан Денов—Новқат каналини реконструкция қилиш жараёнида канал қирғоғига экилган жами 150 та дарахт илдизи билан қўпорилгани аниқланган. Бу билан «Республикада кўкаламзорлаштириш ишларини жадаллаштириш, дарахтлар муҳофазасини янада самарали ташкил этиш чора-тадбирлари тўғрисида»ги фармон талаблари бузилган.
Дарахтларни кесиш ёки кўчириб ўтқазиш бўйича амалдаги тартибларга риоя этилмаган ва мурожаат қилинмаган.
Дарахтлар кесилиши натижасида ўсимлик дунёсига 1 миллиард 165 миллион 350 минг сўм зарар етказилган.
Ҳужжатлар етказилган зарарни ундириш ҳамда айбдорларга қонуний чора кўриш мақсадида Қашқадарё вилояти прокуратурасига юборилган.
Мавзуга оид
14:09 / 20.05.2025
Дарахт кесиш учун ариза бераётганларни жамоатчилик кузатиб туради
17:39 / 19.05.2025
Аҳолининг экологик маданиятини оширишга қаратилган президент қарори қабул қилинди
10:51 / 15.05.2025
Самарқандда қум-шағал қазиб олиниши оқибатида табиатга 10 млн доллардан ортиқ зарар етди
10:24 / 15.05.2025