Qanot Sharq Бухоро ва Жидда шаҳарлари ўртасида мунтазам қатновларни йўлга қўйди

Маҳаллий авиакомпания ҳисобланган Qanot Sharq Бухоро – Жидда – Бухоро йўналишида мунтазам қатновларини бошлади. Рейслар ҳафтада бир марта Аirbus А320 самолётида амалга ошрилиши маълум қилинди.

Фото: Uzbekistan Airports

7 февралдан бошлаб Qanot Sharq маҳаллий авиакомпаниясининг Саудия Арабистони Жидда шаҳрига 2 томонлама рейслари қўйилди. Тошкент вақти билан соат 10:03 да авиакомпания самолёти Бухоро халқаро аэропортига қўнди ва шу билан унинг Бухоро — Жидда — Бухоро йўналиши бўйича мунтазам қатновларига старт берилди. Бу ҳақда Uzbekistan Airports хабар берди.

Қайд этилишича, Бухородан Жиддага йўловчи рейслари ҳафтада бир марта — душанба кунлари Аirbus А320 самолётларида амалга оширилади.

Эслатиб ўтамиз, Qanot Sharq бундан аввалроқ Жиддага Наманган халқаро аэропортидан ҳам биринчи парвозини муваффақиятли амалга оширганди. Ўша вақтда авиакомпания ҳозирги кунга қадар араб мамлакатига авиарейсларни Тошкент шаҳридан бажариб келган.

Маълумот учун, Qanot Sharq авиакомпанияси паркида Аirbus А320, А321neo ва А330 мавжуд бўлиб, ички ва халқаро авиаташувларни амалга оширади.

#Бухоро #Жидда #Qanot Sharq