АҚШ Россиянинг коинотдаги таҳдидига жавоб бериш устида ишламоқда
АҚШ маъмурияти Россия Федерациясидан эҳтимолий таҳдидларга жавоб бериш режасини тайёрламоқда. «Биз халқаро инқирозга олиб келиши мумкин бўлган нарсанинг олдини олишимизга ишонч ҳосил қилишимиз керак», деди Вакиллар палатаси разведка қўмитаси раҳбари.
АҚШ маъмурияти Россиядан коинотда юзага келиши мумкин бўлган таҳдидга қарши чоралар ишлаб чиқишга киришди. Бу ҳақда 18 феврал, якшанба куни NBC News телеканалида АҚШ Конгресси Вакиллар палатаси разведка қўмитаси раҳбари Майк Тёрнер маълум қилди.
«Биз (АҚШ президенти Жо Байденнинг миллий хавфсизлик бўйича маслаҳатчиси) Жейк Салливан билан учрашдик ва у режани ишлаб чиқишни бошлади. Умид қиламанки, у бу муаммони ҳал қилишга қаратилган», — деди у Бавария пойтахтидан видео-алоқа орқали. «Биз халқаро инқирозга олиб келиши мумкин бўлган нарсаларнинг олдини олишимизга ишонч ҳосил қилишимиз керак».
14 феврал куни республикачи Тёрнер ўзи бошқараётган қўмита Конгресс аъзоларига «миллий хавфсизликка жиддий таҳдид» ҳақида маълумот берганини ва Оқ уйдан «бу таҳдид билан боғлиқ барча маълумотларни очиқлашни» талаб қилганини айтди.
Шундан сўнг Америка ОАВ гап Москванинг коинотда ядровий қуролларни сунъий йўлдошларга қарши қўллаш нияти ҳақида кетаётгани ҳақида хабар берди.
Миллий хавфсизлик кенгашининг стратегик алоқалар бўйича координатори Жон Кирби кейинроқ Россия коинотда қўлланиши мумкин бўлган сунъий йўлдошга қарши қуролларни ишлаб чиқаётганини тасдиқлаб, АҚШ маъмурияти бу режаларга жуда жиддий қарашини таъкидлади. Бироқ, унинг айтишича, қуроллар ҳали жойлаштирилмаган ва хавфсизликка бевосита таҳдид йўқ.
Мавзуга оид
21:16 / 06.10.2024
Трамп сайловда ғалаба қозонса, америкаликларни Марсга қўндиришга ваъда берди
09:51 / 06.10.2024
Долларнинг келажагига шубҳалар қанчалик асосли?
23:09 / 05.10.2024
Гватемалада ўзбек мигрантлари контрабандаси билан шуғулланган полициячилар ҳибсга олинди
22:02 / 05.10.2024