Навалнийнинг ўлими туфайли ЕИ давлатлари Россия элчиларини чақиртирди
Европа давлатлари Алексей Навалнийнинг ўлими юзасидан Россия элчиларига ўз норозилигини билдириб, бу ҳолатни чуқур ўрганишни талаб қилмоқда.
Бир қатор Европа давлатлари Алексей Навалнийнинг колониядаги ўлими муносабати билан Россия элчилари ва бошқа юқори мартабали дипломатларини чақиртирди. Шу тариқа, Латвия, Литва ва Эстония ташқи ишлар вазирликлари 19 феврал, душанба куни Россия элчихоналари муваққат ишлар вакилини чақириб, мухолифатчининг ўлимида Кремлни айблади.
Рига, Вилнюс ва Таллин Россия расмийларини Навалнийнинг ўлими ҳолатини чуқур ўрганишга ва жасадни оиласига топширишга чақирди.
Финландия ва Швеция ҳам Россия элчиларини чақиртирди. AFP Испаниянинг худди шундай ҳаракати тўғрисида хабар қилди. Аввалроқ Россия элчилари Германия ва Британия ташқи ишлар вазирликларига чақирилгани хабар қилинганди. Россиянинг мамлакатдаги элчиси Норвегия томонидан ҳам чақирилган.
Франция ташқи ишлар вазири Стефан Сежурне Россиянинг Париждаги элчиси мухолифатчи Алексей Навалнийнинг ўлими муносабати билан ўша куни, 19 феврал кечқурун Аргентинага ташрифи чоғида чақиртирилганини маълум қилди. Франция дипломатияси раҳбари Аргентина ташқи ишлар вазири Диана Мондино билан Буэнос-Айресда бўлиб ўтган қўшма матбуот анжуманида: «Бугун мен Россия элчисини чақиртиришни сўрадим», деди. Шу билан бирга, Сежурне «Режим ўзининг асл моҳиятини кўрсатди», деб қўшимча қилди.
Шу билан бирга, Швейцария расмийлари Keystone-SDA агентлигига россиялик дипломатларни ташқи ишлар вазирлигига чақириш ниятида эмаслигини айтди. Берн Навалнийнинг ўлими ҳолатини тўлиқ текширишни талаб қилиш билан чекланди. Швейцария ташқи ишлар вазирлиги «Алексей Навалнийнинг асоссиз қўлга олиниши ва унга нисбатан қўпол муносабатда бўлинишини бир неча бор қоралаганини» таъкидлади.
Мавзуга оид
13:10 / 05.10.2024
«Досье»: Навалний қўлини теккизган ҳамма нарса колониядан олиб чиқиб кетилди
09:10 / 05.10.2024
ЕИ суди толибларнинг аёлларга муносабатини таъқиб этиш сифатида баҳолади
13:20 / 04.10.2024
ЕИ ва Британия ҳамкорлик тўғрисида келишиб олди
23:25 / 03.10.2024