Россиядан қайтарилган болалар ва Авдийивкадан чиққан аскарлар. Уруш суратлари

Украинада урушнинг 727-куни ўтди. Асосий маълумотлар:

РФ қўшини Украинага дрон ва ракеталар билан ҳужум қилди. Украина ҚК маълумотига кўра, 23 та дроннинг барчаси уриб туширилган. Жабрланганлар ҳақида маълумот берилмаган.
РФ мудофаа вазири Сергей Шойгу Россия қўшини Херсон областининг Днипр дарёси чап соҳилида жойлашган Кринки посёлкаси эгаллангани ҳақида маълум қилди, Украина қуролли кучлари ёзда бу ерда ўз плацдармини ташкил этганди. Украина томони ҳозирча бу борада изоҳ бермади.
Германиядаги ҳукмрон коалиция Украинага узоқ масофага ҳаракатланувчи қуроллар бериш тўғрисидаги резолюцияни тайёрлади. Катта эҳтимол билан гап Киев анчадан буён сўраб келаётган Taurus ракеталари ҳақида бормоқда. Ҳужжатнинг ўзида ракеталар ҳақида тўғридан тўғри гап кетмаган.
Россияда айблов томони Қуръони каримни ёққан Никита Журавел учун 3,5 йиллик қамоқ жазоси сўради. Тергов айбланувчи Украина хавфсизлик хизмати топшириғи бўйича ҳаракатланган деб ҳисобламоқда.
Москва суди Россия армияси тўғрисида «фейк» тарқатган сиёсатчи Леонид Гозманни сиртдан ҳибсга олди. Гозман Россияда яшамайди.
ФХХ Екатеринбургда Россия ва АҚШ фуқароси бўлган аёл давлатга хиёнат бўйича қўлга олинганини маълум қилди. У Украина қуролли кучлари учун пул йиғишда айбланмоқда.
АҚШ Алексей Навалнийнинг ўлими ва Украинадаги урушнинг икки йиллиги муносабати билан Россияга қарши санкцияларнинг йирик пакетини анонс қилди. Ҳозирча ҳеч қандай тафсилотлар маълум эмас.

Украиналик болалар Россия ва Украинанинг оккупация қилинган ҳудудларидан қайтиши