Олий рада муддатли ҳарбий хизматчилар демобилизацияси тўғрисида қонун қабул қилди

Умуман олганда, рада томонидан қабул қилинган қонун лойиҳасида сафарбарлик вақтида муддатли ҳарбий хизматчилар захирага ўтказилгандан кейин 12 ой давомида ҳарбий хизматга чақирилмаслиги белгилаб қўйилган.

Фото: president.gov.ua

Украина Олий радаси муддатли ҳарбий хизматга чақирилувчилар демобилизацияси тўғрисидаги қонун лойиҳасини қабул қилди. Бу ҳақда 23 феврал, жума куни Украина парламенти депутатлари Алексей Гончаренко ва Ярослав Железняк маълум қилди. Уларга кўра, қонун лойиҳасига жами 319 депутат овоз берган.

Гончаренконинг сўзларига кўра, бир кун аввал президент Володимир Зеленский томонидан киритилган қонун лойиҳаси якуний кўринишида сафарбарлик даврида ҳарбий хизматчилар захирага ўтказилган кундан бошлаб 12 ой ичида хизматга қайта чақирилиши мумкин эмаслиги ҳақидаги қоидани ўз ичига олган.

Ҳужжатда ҳарбий ҳолат даврида хизмат муддати тугаган ва у белгиланган ҳолатдан ташқари узайтирилган ҳарбий хизматчилар «Украина президентининг фармони билан ҳарбий хизматдан бўшатилиши» белгиланди.