Қўшимча функционаллар

  • Тунги кўриниш

  • Тошкент ш.
  • Қорақалпоғистон
  • Андижон
  • Фарғона
  • Наманган
  • Самарқанд
  • Бухоро
  • Хоразм
  • Сурхондарё
  • Қашқадарё
  • Жиззах
  • Сирдарё
  • Тошкент вил.
  • Навоий
    • Жаҳон | 15:54 / 27.02.2024
    13719
    4 дақиқада ўқилади

    Фронтда ҳалок бўлган непалликлар ва қўл-оёқсиз қолган украинлар. Уруш суратлари

    Украинада урушнинг 733-куни ўтди. Асосий маълумотлар:

    • Аннексия қилинган «ДХР» расмийлари Авдийивка атрофида америкаликларнинг Abrams танки йўқ қилингани ҳақида хабар берди — бу уруш бошидан буён биринчи ҳолат. Украина қуролли кучлари танк зарбага учраганини расман тасдиқламаган.
    • Белгород областида дрон ҳужуми оқибатида уч киши ҳалок бўлди, яна уч киши жароҳат олган.
    • Венгрия парламенти Швециянинг НАТОга аъзо бўлишини маъқуллади. Бу Стокҳолм алянсга аъзо бўлишидаги сўнгги тўсиқ эди.
    • Россия дрони 25 феврал куни Миколайивга ташриф вақтида Германия ТИВ раҳбари Анналена Бербокнинг кортежини кузатган. Шундан сўнг вазир дарҳол Украинани тарк этган.
    • Der Spiegel нашри тасдиқлашича, Германия Украинага снарядлар етказиб бериш бўйича Ҳиндистон билан махфий музокаралар олиб бормоқда.

    Қўл ёки оёғидан айрилган украин аскарларининг реабилитация жараёни

    22 ёшли украиналик жангчи Валентин Киевдаги реабилитация марказида физиотерапевт билан ишламоқда. Валентин 2022 йил Бахмут атрофидаги жангларда оёғидан айрилган
    Chris McGrath / Getty Images
    43 ёшли украин аскари Олександр Киевдаги клиникада. Оғир жароҳатдан кейин унинг икки қўли ва оёғини кесиб ташлашга тўғри келган
    Chris McGrath / Getty Images
    Киевдаги шифохонада украиналик ярадор аскарнинг қўлидаги жароҳатда лазер термотерапия ўтказилмоқда
    Chris McGrath / Getty Images
    Украиналик жангчи, оёғи ампутация қилинган Олексий Лвивдаги реабилитация маркази бассейнида сузмоқда
    Andre Alves / Anadolu / ddp / Vida Press
    Лвивдаги реабилитация марказида украиналик аскарларнинг оёқлари учун гипс нусхалари. Ушбу слепоклар орқали протезлар тайёрланади
    Andre Alves / Anadolu / ddp / Vida Press
    Лвивдаги реабилитация марказида терапевт украиналик аскар Дмитро Волощенконинг оёғидаги чандиқни массаж қилмоқда
    Andre Alves / Anadolu / ddp / Vida Press

    РФ армиясида ҳалок бўлган непалликлар хотирасига акция

    Украинадаги урушда ҳалок бўлган непалликларнинг оила аъзолари 2024 йил 24 феврал куни кенг кўламли босқин бошланганининг икки йиллигида Катмандудаги ёдгорлик олдида ўтказилган акция вақтида лампаларни ёқишмоқда. Непалнинг қанча фуқароси Россия армияси сафларига ёзилгани — номаълум. Январ ойи бошида мамлакат ҳукумати фронтда ўн нафар фуқароси ҳалок бўлганини тасдиқлаган ва непалликларга пул ишлаш учун Россия ва Украинага боришни тақиқлаганди.
    Sanjit Pariyar / NurPhoto / Getty Images

    Харкивда украин ҳарбий хизматчиларининг дафн этилиши

    Украина қуролли кучларининг саккиз жангчиси Харкивда дафн этилиши. 24 феврал куни кенг кўламли босқиннинг икки йиллиги муносабати билан ташкиллаштирилган матбуот анжуманида Володимир Зеленский илк бор фронтда ҳалок бўлган украин аскарлари сонига аниқлик киритганди — 31 минг киши. Аммо аслида қурбонлар сони анча кўпроқ бўлиши мумкин.
    David Young / dpa / Scanpix / LETA
    Украиналик ҳарбийлар Харкивдаги дафн маросимида ҳалок бўлган қуролдошлари шарафига ҳавога ўқ узмоқда
    David Young / dpa / Scanpix / LETA

    Креминна яқинидаги украин жангчилари 

    Украиналик аскарлар юк машинаси кузовида Луҳанск областининг Креминна шаҳри атрофидаги фронт чизиғида, Россия юриш қилаётган ҳудудда ҳаракатланмоқда
    Diego Herrera Carcedo / Anadolu / ddp / Vida Press
    Юк машина кузовида ухлаётган украин аскари
    Diego Herrera Carcedo / Anadolu / ddp / Vida Press
    Diego Herrera Carcedo / Anadolu / ddp / Vida Press
    Украиналик аскар Украина қуролли кучларининг Креминна атрофидаги миномётчилар позициясида ўз ёзувларини ўқиб чиқмоқда
    Diego Herrera Carcedo / Anadolu / ddp / Vida Press
    #Украина #уруш суратлари

    Россия-Украина уруши

    2022 йил 22 феврал куни Россия Украина чегарасидан ўтиб, қўшни мамлакатга бостириб кирди. Украина армияси жанг таклиф қилди.

    Мавзуга оид

    21:05

    Фронтдаги вазият: Россия ҳарбийлари Курск областида қарши ҳужумга тайёрланмоқда

    20:11

    Россия Курск областига ҳужум учун 50 минг кишилик қўшин тўплади — NYT

    19:02

    The Guardian: Буюк Британия ҳукумат алмашганидан кейин Украинага ракеталар етказишни тўхтатди

    13:30

    Трамп ютса урушни бир суткада тўхтатишни ваъда қилганди. У ютди — хўш?